O secretario xeral da Emigración, Antonio Rodríguez Miranda, mantivo un encontro cun membro da directiva do Centro Galego do Perú, Kilder Podestá, co obxectivo de coñecer de primeira man a situación actual desta entidade e avanzar nas liñas de colaboración para reforzar a presenza cultural galega no país andino.

Durante a reunión, Miranda destacou que sempre é importante ter un lugar de referencia da cultura galega e manifestou o seu compromiso de apoiar novas iniciativas que permitan dinamizar a súa actividade cultural e social. No Perú residen actualmente preto de 1.500 galegas e galegos.