O secretario xeral da Emigración recibiu no seu despacho a Carlos Canosa, presidente do Centro Galego de Lucerna, con quen analizou a situación actual das galegas e galegos neste cantón suízo, tanto en relación á situación da pandemia como na propia recuperación da normalidade nas actividades da entidade e do seu establecemento de restauración.

Na reunión, que permitiu seguir a manter o contacto xa de xeito presencial co representante da entidade en Suíza, tratouse tamén a promoción do Camiño de Santiago entre a colectividade galega neste país, así como as distintas accións que neste senso se están a programar dende o Centro Galego.