O secretario xeral da Emigración, Antonio Rodríguez Miranda, recibiu no seu despacho á cónsul xeral da Arxentina en Galicia, Silvina Montenegro co obxectivo de agradecerlle todo o labor desenvolvido ao longo destes anos polo seu intenso traballo de colaboración a prol do fortalecemento dos lazos entre Galicia e Arxentina.

Miranda entregoulle un agasallo de despedida e desexoulle moita sorte nos seus próximos proxectos persoais e profesionais. Recordou a súa total colaboración coa administración autonómica. “Para nós foi unha honra contar con ela como cónsul porque foi quen de fortalecer os lazos entre ambos pobos, cunha colaboración recíproca coa Xunta de Galicia dando así o mellor servizo aos arxentinos afincados na nosa comunidade”, engadiu o secretario xeral.