A delegada da Xunta no Uruguai, Elvira Domínguez Alonso, asistiu a unha das clases do obradoiro de cociña organizado pola Xunta de Galicia no que participaron 65 membros da colectividade galega do Centro Pontevedrés e que correu a cargo de Miguel Antonio Iglesias Armada, chef galego de Cariño, e que rematou a pasada semana. 

Elvira Domínguez destacou o traballo realizado por Miguel Antonio Iglesias, que foi moi valorado polos propios alumnos e alumnas, “deixou aquí plantada a semente doutras propostas como poden ser futuros concursos de comida”. Durante estes días, as e os alumnos aprenderon a realizar pratos tradicionais galegos como a bica ou o cocido.