O equipo indíxena Tekoa Peruti da provincia arxentina de Misiones acaba de estrear, o pasado 18 de decembro, o material deportivo e de xogo doado polo clube deportivo Seixalbo de Ourense co obxectivo de que as xogadoras, a pesar dos seus escasos recursos, puideran continuar a colleitar novos éxitos.

A Secretaría Xeral da Emigración colaborou co clube deportivo ourensán para facilitar o envío deste material ata Arxentina.

O equipo e os seus xogadores decidiron doara contía recadada coas multas que eles mesmos se autoimpoñen cando reciben algún tipo de amoestación ou chegan tarde a un adestramento e, así, ademais de doar material de segunda man, tamén poder comprar caneleiras para as xogadoras do Tekoa de xeito que se poidan protexer de posibles lesións. O envío contou con 18 conxuntos completos de xogo, bolsa porta balóns, chándales, balóns oficiais, petos, caneleiras, férulas e xogos de proteccións de articulacións.