Coa emoción reflexada nos rostros dos preto de 30 mozos e mozas galegos do exterior que participaron na última quincena no programa Conecta con Galicia da Secretaría Xeral da Emigración ponse fin a dúas quendas de achegamento a realidade galega de rapaces entre 16 e 17 anos, residentes no exterior.

Achegándose ata as diversas zonas máis emblemáticas de Galicia como a Ribeira Sacra, o parque das Illas Atlánticas ou o asentamento romano de Aquis Querquennis en Ourense. Tamén puideron coñecer a realidade económica da nosa comunidade autónoma visitando varias empresas e asociacións. Este programa, realizado en colaboración coa Dirección Xeral de Xuventude, Participación e Voluntariado, supuxo para moitos deles a primeira posibilidade de coñecer fisicamente a terra dos seus devanceiros, e as xeracións da familia que quedaron na Galicia territorial.