O secretario Xeral da Emigración, Antonio Rodríguez Miranda, mantivo hoxe unha reunión con Luis García, director da Fundación Ronsel, na que destacaron o éxito da colaboración entre ambas entidades para mellorar a empregabilidade das persoas galegas retornadas. Miranda subliñou a importancia das accións conxuntas, como as xornadas formativas, que están a facilitar a integración dos retornados na sociedade galega e no mercado laboral.

Durante o encontro, salientaron a relevancia do Programa de Mentores Merlo, que ten como obxectivo apoiar aos emprendedores retornados na consolidación dos seus proxectos en Galicia. Grazas a esta iniciativa, máis dun cento de empresarios galegos retornados recibiron formación e asesoramento para fortalecer os seus negocios.

Finalmente, Miranda e García coincidiron na necesidade de continuar intensificando as actividades formativas e de orientación, non só para os retornados, senón tamén para os bolseiros das Bolsas Excelencia Mocidade Exterior (BEME), garantindo que teñan as ferramentas necesarias para incorporarse ao mercado laboral galego con éxito.