A Consellería de Economía e Industria- a través do Instituto Galego de Consumo- e maila Secretaría Xeral da Emigración inauguran mañá en Ribadavia o Foro de Emigración e Consumo- “Ti tamén eres consumidor defende os teus dereitos”, que pretende favorecer o coñecemento por parte do colectivo inmigrante dos seus dereitos en materia de consumo e facilitarlles tamén as canles axeitadas de xestión en caso de reclamacións.

A través de catro foros formativos- nas localidades de Sanxenxo, Rivadavia, Ribeira e Lugo - tratarase de impulsar a adaptación da poboación estranxeira extracomunitaria aos hábitos de consumo e ao coñecemento do mercado en Galicia para favorecer, así, a súa integración social.

O obxectivo é asesorar á poboación extracomunitaria dos procedementos existentes para o cumprimento dos seus dereitos como consumidores e usuarios, e como “colectivo vulnerable”, na resolución de conflictos cotiás máis frecuentes aos que se enfrontan- especialmente no referido ao reenvío de remesas, outros servizos bancarios ou contratación telefónica-.

PROGRAMA

9.00 a 9.30 Recollida de documentación

9.30 a 10.00 INAUGURACIÓN a cargo de:

• ROGELIO MARTÍNEZ GONZÁLEZ, Delegado Territorial da Xunta de Galicia en Ourense
• MARÍA NAVA CASTRO DOMÍNGUEZ, Presidenta do Instituto Galego de Consumo
• ANTONIO AGUARÓN TURRIENTES, Subdirector de Inmigración e Retorno da Secretaría Xeral da Emigración
• ISABEL GARRIDO BLANCO, Presidenta da Asociación de Consumidores e Usuarios do Ribeiro-ACUR

10.00 a 11.00 OS DEREITOS DOS CONSUMIDORES. INFORMACIÓN, PUBLICIDADE E PREZOS.

ANTONIO AGUARÓN TURRIENTES. Subdirector Xeral do Retorno e da Inmigración.

11.00 a 11.30 Pausa/café

11.30 a 12.30 A CONTRATACIÓN A DISTANCIA E TELEFONÍA

RAQUEL GOYANES PRADO, experta en Dereito de Consumo

12.30 a 13.30 PRODUTOS BANCARIOS BÁSICOS PARA O INMIGRANTE

JOAQUÍN ÁLVAREZ DOMATO. Técnico do Instituto Galego de Consumo

13.30 a 14.00 CLAUSURA DO FORO