Emigración destina 6.000 euros á Asociación de Emigrantes Retornados do Ulla-Umia (AERU) co obxectivo de manter a súa Oficina de información

O secretario xeral deste departamento autonómico, Antonio Rodríguez Miranda, acompañado do delegado da Xunta en Pontevedra, Luis López Diéguez, firmou esta mañá o convenio que permitirá manter o asesoramento das e dos galegos do exterior desta provincia que deciden regresar a Galicia.

  • Imaxe do acto de sinatura do acordo de colaboración que tivo lugar hoxe en Pontevedra
    Imaxe do acto de sinatura do acordo de colaboración que tivo lugar hoxe en Pontevedra
  • Imaxe do acto de sinatura do acordo de colaboración que tivo lugar hoxe en Pontevedra
    Imaxe do acto de sinatura do acordo de colaboración que tivo lugar hoxe en Pontevedra
Listen to this page using ReadSpeaker
Pontevedra, 19 de abril de 2022.

O secretario xeral da Emigración, Antonio Rodríguez Miranda, firmou esta mañá, acompañado do delegado da Xunta en Pontevedra, Luis López Diéguez, co presidente da Asociación de Emigrantes Retornados do Ulla-Umia (AERU), Celso Domínguez Búa, o convenio para o mantemento da súa Oficina de información en Caldas de Reis, destinada a asesorar aos galegos e galegas do exterior que optan por regresar a Galicia. O acto tivo lugar na Delegación da Xunta en Pontevedra.

A Asociación de Emigrantes Retornados Ulla-Umia (AERU) é unha asociación sen ánimo de lucro de ámbito provincial que naceu en 2013 co obxectivo de dar resposta ás demandas das e dos emigrantes retornados e de cara a prestar un servizo de orientación e asesoramento orientado a facilitar a súa integración na sociedade galega. 

Esta entidade agrupa a un número importante de socias e socios desta provincia e configúrase como un punto de referencia ao que cada día acoden as persoas retornadas reclamando os seus servizos, polo que está desenvolvendo un importante labor social a favor das e dos emigrantes galegos retornados e das e dos seus descendentes. 

A Secretaría Xeral colabora con esta asociación cun convenio de colaboración de 6.000 euros co obxectivo de ofrecer ás e aos emigrantes retornados á Comunidade Autónoma a maior cobertura posible no seu proceso de retorno e adaptación á sociedade galega. 

385 lecturas