A Secretaría Xeral da Emigración colabora co centro de restauración da Irmandade Galega na Suíza de Xenebra para promocionar o Xacobeo a través do envío de material para os traballadores e traballadoras co logo do Xacobeo 21-22. 

Este material de traballo permite aos centros galegos do exterior promocionar, a través dos seus locais de restauración, o Camiño de Santiago ante estes dous anos de Xacobeo nos que nos atopamos. Entre outro material, enviáronse gorros de cociña, mandís e camisetas co logo do Xacobeo.