Dous centenares dos novos alumnos e alumnas das Bolsas Excelencia Mocidade Exterior-  BEME participaron nun encontro formativo e de lecer en Sigüeiro, durante o que recibiron a benvida do presidente da Xunta de Galicia en representación de toda a sociedade galega.

A iniciativa, organizada pola Secretaría Xeral da Emigración e que contou coa colaboración da Asociación de Jóvenes Emigrantes Retornados (Ajerga), permitiu ás beneficiarias e beneficiarios destas bolsas que lles permiten realizar un mestrado nunha das tres universidades galegas durante o presente curso, coñecerse entre eles e asesorarse acerca das diferentes cuestións necesarias para unha mellor adecuación á nosa sociedade.