O Centro Gallego de Montevideo celebrou no seu complexo polideportivo o 143º aniversario coa presenza da delegada da Xunta no Uruguai, Elvira Domínguez, e cunha intervención por videoconferencia do secretario xeral da Emigración, quen agradeceu o labor que desenvolve esta entidade galega e, en especial, a súa asistencia ao VI Día da Galicia Exterior o pasado mes de xullo. 

A cea, presidida polo presidente da entidade, Ramón Lorenzo, contou con máis de medio millar de persoas, incluídas autoridades diplomáticas españolas e tamén directivos e directivas doutros centros galegos da capital do Uruguai. Esta entidade naceu en 1879 e conta con máis de 800 persoas asociadas na actualidade.