A delegada da Xunta no Uruguai, Elvira Domínguez, participou nun tramo da andaina organizada pola Asociación Uruguaya de Amigos del Camino de Santiago, dende a mouteira situado na planta José Añón da empresa de transporte Cutcsa ata a que se atopa instalado na Praza Galicia na Rambla de Montevideo, en total uns vinte e cinco quilómetros. 

O obxectivo desta iniciativa é seguir a promocionar o Camiño de Santiago no Uruguai.  Esta actividade tamén serviu para inaugurar a sinalización deste tramo por Montevideo autorizada pola intendencia da localidade. No acto de inicio da andaina, ademais de Elvira Domínguez, tamén estivo presente a cónsul xeral de España, María Victoria Scola Pliego, a presidenta da Asociación, Adriana Fernández, e o presidente de Cutcsa, Juan Salgado, e o directivo do Hogar Español, Juan Pablo Salgado.