O delegado da Xunta na Arxentina, Alejandro López Dobarro, asistiu á inauguración da mostra fotográfica de Manuel Valcárcel Iacobus Gaudet, que se pode visitar no espazo expositivo do Hotel Costa Galana de Mar del Plata, inspirada nas diferentes rutas do Camiño de Santiago.

A exposición xorde da colaboración entre a Delegación da Xunta na Arxentina e o viceconsulado de España en Mar del Plata. Na inauguración estiveron tamén presentes a presidenta del Concejo Deliberante de General Pueyrredon, Marina Sánchez, o secretario de Cultura do concejo, Carlos Balmaceda, a vicecónsul de España en Mar de Plata, Claudia Álvarez Argüelles, e a directora de Cooperación y Colectividad, Cecilia Torres. Esta mostra xorde da intención de realizar un evento itinerante e internacional sobre o Camiño de Santiago e conta con 38 fotografías e un vídeo. 

A mostra ten acceso libre e de balde. Estará aberta todos os días de 12 a 17 horas durante a presente temporada de verán na Arxentina.