O Centro Galego de Avellaneda, o terceiro centro galego máis antigo do mundo, celebrou o seu 125 aniversario nun acto que contou coa presenza do delegado da Xunta en Bos Aires, Alejandro López Dobarro, entre diversas autoridades. Durante a súa intervención, trasladou o saúdo do presidente Alfonso Rueda Valenzuela, do conselleiro de Emprego, Comercio e Emigración, José González, e do secretario xeral da Emigración, Antonio Rodríguez Miranda. Tamén destacou a importancia da presenza galega en Avellaneda e o papel fundamental que desempeñaron os galegos na vida asociativa de América.

No marco da celebración, resaltouse a entrega anual da Barca de Sálvora, unha distinción que homenaxea ás Heroínas de Sálvora, quen en 1921 participaron no rescate dos náufragos do buque Santa Isabel. Esta iniciativa, que xa vai pola súa sexta edición, recoñece a labor das mulleres da colectividade galega. O acto rematou coa entrega dunha placa da Xunta de Galicia en recoñecemento ó labor do Centro Galego de Avellaneda ó longo dos seus 125 anos de historia.