O Delegado da Xunta de Galicia en Bos Aires. Alejandro López Dobarro, participou na celebración do 20 aniversario do Centro de Día do Centro Galego de Mar del Plata, un espazo creado no ano 2004 que leva dúas décadas ofrecendo atención e apoio integral a persoas maiores. López Dobarro, destacou o compromiso continuado da administración galega coa institución, que cada ano recibe a colaboración da Xunta para seguir desenvolvendo o seu labor social, favorecendo o benestar e a calidade de vida dos seus usuarios.

O Centro de Día atende a máis de 20 maiores que participan semanalmente en obradoiros de arte, memoria, terapia ocupacional, música e ximnasia, acompañados por profesionais que lles proporcionan un apoio completo, nunha contorna de convivencia onde se fomentan os lazos comunitarios a través de actividades que inclúen almorzos, xantares e merendas compartidas.