Vinte e tres anos de duro traballo son os que leva a Asociación de Empresarios Gallegos del Uruguay (A.E.G.U.) velando polos intereses deste colectivo no país sudamericano. E por ese motivo decidiu celebrar o primeiro «Día do Emprendedor Galego no Uruguai».

O presidente do organismo, Jorge Expósito, quixo renovar o compromiso que mantén a asociación con Uruguai, e aproveitou unha data de celebración tan especial como o «Día do Emprendedor Galego en Uruguai» para facelo.

No transcurso do acto -e vía video conferencia cos e coas representantes da USC- o presidente da A.E.G.U., Jorge Expósito, e a citada Universidade de Santiago de Compostela anunciaron un Proxecto de Cooperación entre ambas as dúas institucións, noticia pola que mostraron a súa satisfacción tanto as autoridades españolas presentes (asistiu o embaixador de España en Montevideo, o galego Roberto Varela) como uruguaias.

Foto: A.E.G.U.