O Centro Galego de Santander (Casa de Galicia en Cantabria), que preside José Antonio Otero Hermida, entregou o sábado día 2  de decembro os Premios Literarios “Julio Camba“ de relato curto, na súa  XVIIIª edición correspondente ao presente ano 2017. Na entrega dos premios participou Ana Rosa Martín  Minguijón, directora da  UNED en Cantabria.

Premios do  XVIIIº Concurso Literario “Julio Camba”
O  xurado estivo formado por membros da Sociedad Cántabra de Escritores (SCE) e integrado por Víctor Abascal Acebo, Marisa Caballero Ruiz, María del Mar Gómez Guerra e Aurora Miranda  Santibáñez e, actuando como presidenta Delia de los Ángeles Laguillo González e, como secretario, sen voz nin voto, Serafín Fernández Villazón. Realizáronse as preceptivas votacións, que arroxaron os seguintes resultados:

• 1º Premio. O xurado acordou conceder o primeiro premio, dotado con Medalla do Centro, Diploma e 750 euros ao relato titulado Sombras de  grullas, cuxo autor é Francisco de Paz Tante, residente en  Albarreal de Tajo (Toledo). Fixo entrega do mesmo (foto 2) Delia de los  Ángeles Laguillo.

• 2º Premio. O segundo premio, dotado con Diploma e 500 euros, correspondeu ao relato titulado El Mar de la Tranquilidad, de Herminia  Dionis  Piquero, autora residente en Huesca. Fixo entrega do mesmo (foto 2) Ana Rosa Martín Minguijón, directora do Centro Asociado da UNED en Cantabria.

Fonte e fotos: Centro Galego de Santander