O delegado da Xunta en Bos Aires, Alejandro López Dobarro, reuniuse cos responsables das Comunidades Galegas de Bos Aires para preparar a 3ª edición da Gran Romaría Galega. O vindeiro 27 de xullo, coincidindo co Mes de Galicia, celebrarase este evento. Para garantir o éxito da romaría, está a levarse a cabo un importante traballo previo de organización. Este primeiro encontro tivo lugar na sede do Centro Lalín, A Golada e Silleda.

A Gran Romaría Galega contará coa participación de máis de 30 entidades, 250 artistas e 20 stands o que promete facer desta edición unha celebración inesquecible, chea de cultura, tradición e irmandade.