As consecuencias do tremor chileno xa están presentes en todas as redes sociais, encargadas agora de coordinar e apoiar os labores de reconstrución. Como recorda Francisco Guillermo Bustos Palomino, secretario do Lar Gallego, «tanto a comunidade galega coma a chilena viviron unha situación realmente dramática». «Estar unido» e «ser solidarios» é, ao seu xuízo, o mellor xeito de saír adiante. Iso si: sempre aproveitando a coordinación que ofrece a web.