Ante o recente sismo ocorrido en Venezuela, a Secretaría Xeral de Emigración quere informar dos teléfonos de asistencia para emerxencias do Consulado Xeral de España en Caracas, así como da Oficina Consular do Ministerio de Asuntos Exteriores, UE e Cooperación en Madrid:

• +58 424-2090264 (Caracas).
• +34 91 000 1249 (Madrid).

Ao mesmo tempo, queremos facer un chamamento a toda a comunidade galega residente en Venezuela para que manteña a calma, actúe con prudencia e siga as recomendacións das autoridades:

• Verifique o estado de todas as persoas que se atopen con vostede, especialmente nenos, adultos maiores e persoas con mobilidade reducida.
• Revise se a súa vivenda ou lugar de traballo presenta danos estruturais. Se observa gretas importantes ou risco de colapso, evacúe cara a un lugar seguro.
• Peche, se é posible e de forma segura, a subministración de gas e electricidade para previr accidentes.
• Mantéñase afastado de fiestras, fachadas, postes, árbores, cables eléctricos e calquera estrutura que poida desprenderse.
• Se necesita evacuar, utilice sempre as escaleiras. Non empregue ascensores.
• Teña preparada unha lanterna, auga, medicamentos esenciais e os seus documentos importantes en caso dunha eventual réplica.
• Utilice preferentemente mensaxes de texto ou WhatsApp para comunicarse cos seus familiares e evitar conxestión das redes telefónicas.
• Lembre que despois dun sismo, poden presentarse réplicas. Mantéñase informado unicamente as canles oficiais e evite difundir información non verificada.