A Secretaría Xeral da Emigración únese á conmemoración da Organización das Nacións Unidas (ONU) co gallo do Día Internacional da Persoa Migrante, 18 de decembro. 

A historia de Galicia e a historia dun pobo que viviu durante séculos intensos procesos migratorios que seguen a deixar pegada na nosa sociedade. Se o século XX foi de emigración, este século XXI está a ser do retorno. Por iso, Galicia é pioneira en políticas para a integración de todas e todos os que queren facer da nosa terra o seu fogar. 

Seguiremos a traballar para estar ao carón de todos os galegos e galegas, tanto que vivan aquí como que residan no exterior, e tamén, evidentemente, de quen, chegando de fóra, é xa parte da nosa sociedade.