Os e as participantes no programa Reencontros con Galicia da Secretaría Xeral da Emigración continúan o seu periplo, neste caso, en Ourense

  • Imaxe das e dos participantes nos Reencontros con Galicia 2023
    Imaxe das e dos participantes nos Reencontros con Galicia 2023
  • Imaxe das e dos participantes nos Reencontros con Galicia 2023
    Imaxe das e dos participantes nos Reencontros con Galicia 2023
Listen to this page using ReadSpeaker
Ourense, 15 de outubro de 2023.

As e os participantes no programa de Reencontros da Secretaría Xeral da Emigración continuaron, nas últimas horas, visitando distintas localidades de Galicia e, neste caso, tocoulle a quenda á provincia de Ourense, onde puideron percorrer as rúas da cidade das Burgas e tamén achegarse ao centro histórico de Allariz.  

Os e as participantes no programa Reencontros con Galicia proceden de Venezuela, Cuba, Brasil, Arxentina e Uruguai. Este programa ten como obxectivo  facilitar o contacto dos galegos e galegas do exterior de máis de 65 anos coa Galicia actual e coas e cos seus familiares. Están aloxados na residencia de tempo libre da Xunta de Galicia en Panxón e A Coruña foi o primeiro destino a percorrer durante estes dez días de estancia na comunidade autónoma. A Secretaría Xeral da Emigración ten como un dos seus obxectivos promover a participación da colectividade galega no exterior na nosa vida cultural e social, así como manter os vínculos coa terra.

296 lecturas