A Secretaría Xeral da Emigración continúa achegando a Oficina Integral de Asesoramento e Seguimento ao Retorno para que os galegos e galegas do exterior que acaban de retornar ou que estean pensando en facelo coñezan o seu funcionamento e as ferramentas e información que lles pode aportar.  

Grazas á colaboración do programa Lembrando a Galicia da TVG, dende a Oficina de Retorno de Vigo explícase o funcionamento deste servizo, a información que se pode atopar nel e o asesoramento que se lle pode ofrecer ás e aos retornados, como a tramitación do DNI, o empadroamento ou a orientación laboral.  Lembrar que esta Oficina ten sede en cinco cidades galegas: Santiago de Compostela, Lugo, A Coruña, Vigo e Ourense.