O secretario xeral da Emigración, Antonio Rodríguez Miranda, mantivo un encontro de traballo co embaixador de España en Panamá, Guzmán Palacios, no marco da súa visita institucional ao país.

Unha reunión na que tamén participou Ricardo Gago, presidente da Fundación Nosa Terra, e que serviu para reforzar os vínculos coa colectividade galega e seguir avanzando na colaboración institucional en beneficio da cidadanía galega no exterior.