Os centros galegos de España, Europa e América que participan no Ciclo Mestre Mateo de 2023 proxectarán, ao longo deste mes de xuño, a película Código Emperador e o documental María Casares, a muller que viviu mil vidas, grazas á colaboración entre a Secretaría Xeral da Emigración e a Academia Galega do Audiovisual.  

Esta iniciativa permite achegar o cine feito en Galicia, e en concreto, os finalistas dos premios Mestre Mateo 2023, aos galegos e galegas do exterior a través destas entidades. Neste ciclo colaboran o Centro Gallego de Álava, o Centro Gallego de Rosario, a Casa de Galicia en Las Palmas de Gran Canaria, o Centro Galego de Lisboa, o Centro Gallego de Salamanca, La Nacional de Manhattan, o Centro Gallego de México e a Sociedade Galega Sementeira de Suíza.