Os centros galegos que participan, en diversos lugares do mundo, no Ciclo Mestre Mateo de 2023, proxectarán, ao longo deste mes de novembro, as películas O Corpo Aberto e Unicorn Wars como eixes centrais desta iniciativa.    

Este ciclo permite achegar o cine feito en Galicia, e en concreto os finalistas dos premios Mestre Mateo, aos galegos e galegas do exterior a través destas entidades, grazas á colaboración da Secretaría Xeral da Emigración e a Academia Galega do Audiovisual. Neste ciclo colaboran o Centro Gallego en Álava, a Casa de Galicia en Las Palmas de Gran Canaria, a Xuventude de Galicia-Centro Galego de Lisboa, o Centro Gallego de Salamanca, La Nacional de Manhattan, o Centro Gallego de México, o Centro Gallego de Rosario e a Sociedade Galega Sementeira de Suíza.