O expresidente do Centro Gallego de Mar del Plata traslada ao secretario xeral da Emigración o interese da colectividade na Arxentina polas medidas de retorno postas en marcha pola Xunta

Imaxe da reunión celebrada na sede da SXE en Santiago de Compostela
Imaxe da reunión celebrada na sede da SXE en Santiago de Compostela
Listen to this page using ReadSpeaker
Santiago de Compostela, 19 de outubro de 2023.

O secretario xeral da Emigración, Antonio Rodríguez Miranda, reuniuse co expresidente do Centro Gallego de Mar del Plata, Francisco Solla, quen lle trasladou o interese da colectividade galega na Arxentina polas medidas de retorno postas en marcha pola Xunta. 

Pola súa banda, Rodríguez Miranda destacou o labor que Solla desenvolveu durante anos á fronte desta entidade que conta, dende 2004, cun centro de día co obxectivo de promover o apoio socio asistencial das persoas maiores a través da súa atención integral con carácter de servizo preventivo e de integración social. Na cidade de Mar del Plata reside unha importante colonia de persoas galegas e a súa descendencia que, a través deste centro, reciben un apoio socioasistencial importante no caso de aquelas e aqueles que teñen máis dificultades económicas. 
 

316 lecturas