O secretario xeral da Emigración, Antonio Rodríguez Miranda, recibiu nas últimas horas a varios representantes do Centro Cultural Galego de Cuxhaven, a quen lles confirmou a súa próxima visita nesta primavera para participar nas súas actividades de promoción de Galicia entre a poboación desta cidade alemá.
 
Entre as e os asistentes á reunión atopábase María Rosa Sotelo López, referente da colectividade galega de Cuxhaven e expresidenta da entidade, quen agradeceu ao secretario xeral a súa implicación cos galegos e galegas de Alemaña e recordou que, entre outras actividades, desenvólvese nesta localidade o día de San Martiño, o Día de Galicia ou o Día das Letras Galegas.