Miranda traslada o apoio da Xunta ao proxecto da Federación de Centros Españoles en Venezuela de contratar un seguro médico que atenda ás e aos residentes españois no país suramericano

O secretario xeral da Emigración preside a xuntanza con responsables da FECEVE, que aglutina aos centros españois no país suramericano.

Avalía e avanza cos representantes das entidades galegas no plan de traballo conxunto que está a permitir asistir aos galegos e galegas do país.

Salienta o “papel fundamental que xogan as nosas entidades” para a detección e canalización dos casos máis urxentes, froito da difícil situación que atravesa a república. 

Mantén encontros de traballo cos responsables da Embaixada de España en Caracas e co cónsul en Venezuela para “afondar na necesaria coordinación entre as administracións española e galega”.

  • Imaxe da reunión do secretario xeral da Emigración cos responsables da Federación de Centros Españoles de Venezuela
    Imaxe da reunión do secretario xeral da Emigración cos responsables da Federación de Centros Españoles de Venezuela
  • Imaxe da reunión do secretario xeral da Emigración cos representantes das entidades galegas en Venezuela
    Imaxe da reunión do secretario xeral da Emigración cos representantes das entidades galegas en Venezuela
  • O secretario xeral da Emigración, Antonio Rodríguez Miranda, co embaixador de España en Caracas, Jesús Silva
    O secretario xeral da Emigración, Antonio Rodríguez Miranda, co embaixador de España en Caracas, Jesús Silva
  • O secretario xeral da Emigración, Antonio Rodríguez Miranda, co cónsul de España en Venezuela, Juan José Buitrago de Benito
    O secretario xeral da Emigración, Antonio Rodríguez Miranda, co cónsul de España en Venezuela, Juan José Buitrago de Benito
  • Imaxe da reunión do secretario xeral da Emigración cos responsables da Federación de Centros Españoles de Venezuela
    Imaxe da reunión do secretario xeral da Emigración cos responsables da Federación de Centros Españoles de Venezuela
Listen to this page using ReadSpeaker
Caracas (Venezuela), 13 de decembro de 2019.

O secretario xeral da Emigración, Antonio Rodríguez Mirada, aproveitou o comezo da súa nova viaxe institucional a Venezuela para reunirse cos responsables da Federación de Centros Españoles de Venezuela, aos que lles trasladou o apoio da Xunta ao proxecto no que está a traballar FECEVE para contratar un seguro médico que atenda aos españoles e españolas residentes no país suramericano.  

Rodríguez Miranda salientou a importancia desta iniciativa para a colectividade, máis se cabe “no contexto e na situación social que están a vivir os residentes en Venezuela”.  

Neste marco, o responsable do departamento autonómico reuniuse tamén cos representantes das entidades galegas na procura de avaliar e avanzar no plan de traballo conxunto que está a permitir asistir aos galegos e galegas do país suramericano. Un escenario no que insistiu no papel chave que desempeñan as entidades galegas espalladas polo mundo á hora de detectar e canalizar as necesidades máis urxentes das e dos residentes no exterior. Institucións como a Hermandad Gallega de Venezuela en Caracas, a Hermandad Gallega de Valencia, o Centro Gallego de Puerto La Cruz ou o Centro Gallego de Maracaibo -todos eles presentes na xuntanza- son “pezas fundamentais” para o éxito do sistema de prestación e apoio social que desenvolve a Xunta de Galicia en Venezuela e noutros países do mundo. 

“Malia que cada vez son máis os galegos que volven á casa, en Venezuela aínda permanecen máis de 35.000 galegos. Unha colectividade para a que o ano pasado destinamos 2,2 millóns de euros, cifra que neste 2019 que estamos a rematar ascende a máis de 3 millóns”, detallou Miranda. 

Encontros de traballo na embaixada 
A axenda oficial do secretario xeral da Emigración levouno tamén hoxe a manter distintos encontros de traballo co embaixador de España en Caracas, Jesús Silva, e co cónsul de España en Venezuela, Juan José Buitrago de Benito, co obxectivo de “afondar na necesaria coordinación entre as administracións española e galega”. 

Ambas xuntanzas responden a unha necesidade urxente de actualizar de xeito permanente tanto a situación do país como a da colectividade española, e máis concretamente a galega, que reside nel. A complicada situación económica e social que atravesa a república require dunha atención especial aos labores de información e asesoramento aos galegos e galegas que viven en Venezuela, tanto á hora de optar ás diferentes liñas de axuda como á de plantexarse o seu retorno á comunidade galega.

En imaxes
589 lecturas