O secretario xeral da Emigración, Antonio Rodríguez Miranda, reuniuse co presidente da Asociación Hispano-Gallega Caballeros de Santiago (Brasil), Francisco Javier Piñeiro Garrido, para analizar a situación da propia entidade e das necesidades da colectividade galega residente no país brasileiro que conta cunha importante cifra de galegos do exterior, preto de 50.000, sendo o segundo país do continente americano onde máis cidadáns galegos residen tras Arxentina.

Nesta reunión, Miranda e Piñeiro destacaron a firma dun acordo de colaboración no que a Secretaría Xeral da Emigración destina 7.000 euros para o mantemento e asesoramento dun punto de atención social nesta entidade en Salvador de Bahía. Neste senso, o secretario xeral agradeceu a colaboración da entidade para o traslado da información sobre as políticas de retorno  e de axuda social da Xunta aos galegos residentes neste estado brasileiro.

A Asociación Hispano-Gallega Caballeros de Santiago é unha entidade sen ánimo de lucro que agrupa, actualmente, a máis de 300 socios galegos.