Miranda retoma o contacto coas entidades de Canarias no Centro Gallego de Santa Cruz de Tenerife

O secretario xeral da Emigración iniciou unha rolda de visita polas entidades galegas nesta comunidade autónoma para coñecer como retomaron as actividades trala pandemia e agradecer o seu apoio na difusión do Ano Santo Xacobeo.

  • Imaxe da visita do secretario xeral da Emigración da Xunta de Galicia ao Centro Gallego de Santa Cruz de Tenerife
    Imaxe da visita do secretario xeral da Emigración da Xunta de Galicia ao Centro Gallego de Santa Cruz de Tenerife
  • Imaxe da visita do secretario xeral da Emigración da Xunta de Galicia ao Centro Gallego de Santa Cruz de Tenerife
    Imaxe da visita do secretario xeral da Emigración da Xunta de Galicia ao Centro Gallego de Santa Cruz de Tenerife
  • Imaxe da visita do secretario xeral da Emigración da Xunta de Galicia ao Centro Gallego de Santa Cruz de Tenerife
    Imaxe da visita do secretario xeral da Emigración da Xunta de Galicia ao Centro Gallego de Santa Cruz de Tenerife
Listen to this page using ReadSpeaker
Santa Cruz de Tenerife, 23 de setembro de 2022.

O secretario xeral da Emigración, Antonio Rodríguez Miranda, iniciou no Centro Gallego de Santa Cruz de Tenerife a rolda de visitas que realizará nestes días ás entidades galegas situadas na comunidade autónoma canaria. O obxectivo é coñecer como retomaron as actividades trala pandemia e agradecer o seu apoio na difusión do Ano Santo Xacobeo.

Durante a súa visita, o secretario xeral mantivo un encontro coa directiva actual, co seu presidente Eduardo Sánchez Solla á cabeza, e tamén percorreu as instalacións, destacando o labor que desenvolve este centro na promoción e fomento do intercambio cultural entre ambas comunidades autónomas, e o seu traballo por manter un nexo de unión entre os galegos e galegas residentes nas illas. 

O Centro Gallego de Santa Cruz de Tenerife conta cunha escola de gaita e percusión, e varias escolas de baile. Tamén ten unha ampla biblioteca e publica unha revista propia baixo o nome “O Noso”. Esta entidade iniciará en breve un obradoiro de cociña galega presencial.

349 lecturas