Miranda recorda na Cadena Ser Ourense que o prazo de solicitude das Axudas ao Retorno Emprendedor, dotadas con ata 10.000 euros, remata o próximo 30 de setembro

Antonio Rodríguez Miranda, nos estudios de Radio Ourense da Cadena Ser
Antonio Rodríguez Miranda, nos estudios de Radio Ourense da Cadena Ser
Listen to this page using ReadSpeaker
Ourense, 31 de agosto de 2022.

O secretario xeral da Emigración, Antonio Rodríguez Miranda, visitou hoxe o estudio de gravación da Cadena Ser Ourense onde explicou as Axudas Retorno Emprendedor desta institución que apoian a posta en marcha de iniciativas empresariais dos galegos e galegas do exterior que retornan a Galicia. O prazo desta iniciativa está aberto ata o 30 de setembro.  “Dámoslle unha axuda económica de 6.000€; si é retornada a que emprende, para axudar a incentivar a incorporación da muller no mercado laboral, 1.000€ máis; e, por establecerse no rural, 3.000€ máis”, explicou Miranda. 

O secretario tamén destacou que, dende que este programa se puxo en marcha, a Xunta investiu algo máis de 4M€, pero o impacto económico para Galicia foi máis de 32M€, chegando a 600 negocios axudados, “por cada euro que a axuda dá para poñer en marcha un negocio, os beneficiarios multiplican por oito o investimento”, comentou Miranda. Así mesmo, tamén informou das bolsas BEME dirixidas a galegas e galegos universitarios do exterior co obxectivo de facer un máster nunha das tres universidades galegas e que este ano conta con 250 persoas de 30 países do mundo. ”No campus de Ourense serán 12 os beneficiados con estas bolsas formativas. Nas seis edicións anteriores conseguimos que o 80% destes galegos de alta cualificación se quedasen, o que repercute no sistema económico de Galicia”, sinalou Miranda. 

  • Audio - Entrevista ao secretario xeral da Emigración | Descargar
284 lecturas