Miranda recibe a representantes da Fundación Nosa Terra para analizar os avances no memorial que recordará o labor dos máis de 10.000 galegos que participaron na construción da Canle de Panamá

Imaxe da reunión, esta mañá, na sede da SXE en Santiago de Compostela
Imaxe da reunión, esta mañá, na sede da SXE en Santiago de Compostela
Listen to this page using ReadSpeaker
Santiago de Compostela, 31 de maio de 2022.

O secretario xeral da Emigración, Antonio Rodríguez Miranda, recibiu hoxe no seu despacho a Ricardo Zanetti e a Dorinda Cortizo, fundadores da Fundación Nosa Terra de Panamá, con quen analizou os avances na execución do memorial que recordará o labor dos máis de 10.000 galegos que participaron na construción da Canle que permite a conexión entre o Atlántico e o Pacífico. 

A idea de construción deste memorial chegou da man da Fundación Nosa Terra en pleno confinamento pola covid-19, resultado da recollida de datos sobre os galegos que participaron nesta obra, que destacaron precisamente pola súa gran capacidade de traballo, tal e como quedou recollido nos escritos do enxeñeiro xefe, John Frank Stevens, quen asegurou que cada galego valía por tres dos seus compañeiros. Estes eran traballadores humildes, pero a súa obra é de singular grandeza. Nestes intres, o labor de investigación histórica da Fundación continúa, recollendo cada vez maior número de galegos que formaron parte das cuadrillas que traballaron na construción desta canle. 

306 lecturas