O secretario xeral da Emigración, Antonio Rodríguez Miranda, reuniuse co presidente e as e os membros da xunta directiva do Centro Gallego de Santander na sede da Secretaría Xeral da Emigración. Durante o encontro, aproveitouse a ocasión para que as e os representantes do centro galego coñecesen as novas instalacións da Secretaría, que foron recentemente renovadas para mellorar os servizos prestados á comunidade emigrante.
 
Ademais, nun xesto de agradecemento e recoñecemento, o presidente do Centro Gallego de Santander, José Antonio Otero, entregoulle ao secretario xeral o libro conmemorativo do centenario do centro. Este agasallo simboliza os 100 anos de historia e compromiso do centro coa comunidade galega en Santander, destacando a importancia da preservación e promoción da cultura galega.