Miranda mantén un encontro co emprendedor arxentino, descendente de galegos, Mateo Salvatto, no que analizaron os seus proxectos futuros en España

Imaxe do encontro celebrado en Bos Aires
Imaxe do encontro celebrado en Bos Aires
Listen to this page using ReadSpeaker
Santiago de Compostela, 18 de outubro de 2022.

O secretario xeral da Emigración, Antonio Rodríguez Miranda, mantivo durante a súa visita a Arxentina un encontro co emprendedor arxentino e descendente de galegos Mateo Nicolás Salvatto, no que analizaron os proxectos futuros en España deste experto en robótica e creador dunha aplicación que facilita a comunicación a persoas con dificultades na fala denominado ‘Háblalo’. Durante o encontro, o emprendedor fixo entrega ao secretario xeral da Emigración do seu primeiro libro, La Batalla del Futuro.

Salvatto trasladou a Miranda o seu amor por Galicia, de onde son orixinarios dous dos seus avós, e engadiu que precisamente España é o lugar onde está a poñer en marcha novas iniciativas empresariais. Na reunión estivo acompañado tamén do delegado da Xunta en Arxentina, Alejandro López Dobarro, e do cónsul xeral de España en Bos Aires, Fernando García Casas.

293 lecturas