Miranda e Fevega reúnense para facer un seguimento ao traballo de colaboración a prol das e dos galegos retornados a Galicia de cara a este 2022

Imaxe da reunión celebrada na sede da SXE na capital de Galicia
Imaxe da reunión celebrada na sede da SXE na capital de Galicia
Listen to this page using ReadSpeaker
Santiago de Compostela, 22 de febreiro de 2022.

O secretario xeral da Emigración, Antonio Rodríguez Miranda, mantivo unha reunión co presidente da Federación Venezolana de Galicia (FEVEGA), Manuel Pérez, para facer un seguimento ao traballo de colaboración neste 2022 en prol das galegas e os galegos retornados de Venezuela a Galicia a través da colaboración de ambas institucións.

Na reunión estivo tamén presente María Fernanda Ruíz, coordinadora xeral da Federación Venezolana de Galicia. Fevega é unha agrupación de asociacións sen ánimo de lucro e de ámbito autonómico que naceu en 2009, co obxectivo de apoiar aos seus asociados e asociadas nos seus ámbitos de actuación e desenvolver accións de atención ás e aos emigrantes retornados no seu proceso de integración social, laboral e cultural en Galicia.  

270 lecturas