O secretario xeral da Emigración, Antonio Rodríguez Miranda, acompañado pola delegada territorial da Xunta en Ourense, Marisol Díaz Mouteira, asistiu este mediodía á Romaría Etnográfica Raigame, que este ano celebra o seu dezaoito aniversario na súa tradicional ubicación, no municipio de Celanova. O responsable do departamento autonómico trasladou os seus parabéns á organización da xuntanza, liderada polo Concello de Celanova, así como á Asociación Cultural Cantaclaro, cuxo stand aproveitou para visitar e manter un breve encontro coas e cos seus socios e directivos.