O secretario xeral da Emigración, Antonio Rodríguez Miranda, asistiu este mediodía á Romaría Abanca Internacional, que este ano celebrou a súa cuarta edición. O responsable autonómico presenciou a exhibición de cetrería que tivo lugar no recinto interior do Castelo dos Condes de Sarmiento de Ribadavia, municipio elixido pola entidade para desenvolver a multitudinaria cita deste ano. A continuación, o responsable autonómico desprazouse, xunto co resto das e dos asistentes ao evento, á contorna da igrexa de Santo Domingo para participar no viño de benvida, e posteriormente á praza anexa ao templo, que serviu de escenario para o discurso que pronunciou o presidente de Abanca, Juan Carlos Escotet, e para o posterior xantar popular.