O secretario xeral da Emigración, Antonio Rodríguez Miranda, mantivo hoxe unha reunión con Maribel García, representante da Casa de Galicia en Córdoba a quen animou a "seguir aproveitando a riqueza da cultura galega" e levala a todos os puntos de Andalucía. Durante o encontro, abordaron cuestións de relevancia para a comunidade galega residente en Andalucía, destacando a importancia de fortalecer os lazos culturais e sociais entre Galicia e os galegos que viven fóra. Ambos coincidiron na necesidade de impulsar novas iniciativas que promovan a cultura galega. 

Maribel García subliñou o compromiso da Casa de Galicia en Córdoba por seguir sendo un referente para os galegos na rexión, ofrecendo actividades culturais, educativas. Pola súa banda, Miranda reiterou o apoio da Secretaría Xeral da Emigración a estas iniciativas e propuxo a creación de novos proxectos para a difusión da nosa cultura.