Miranda anima á ABC do Partido de Corcubión, como novo membro da Comisión Delegada do Consello de Comunidades Galegas, a seguir avanzando na mellora do potencial dos centros galegos do exterior

Miranda e Ameijeiras, na sede da Secretaría Xeral da Emigración na capital de Galicia
Miranda e Ameijeiras, na sede da Secretaría Xeral da Emigración na capital de Galicia
Listen to this page using ReadSpeaker
Santiago de Compostela, 11 de outubro de 2023.

O secretario xeral da Emigración, Antonio Rodríguez Miranda, reuniuse co presidente da Asociación Benéfica Cultural do Partido de Corcubión de Bos Aires, Carlos Óscar Ameijeiras Miñones, que se converteu o pasado mes de setembro en novo membro da Comisión Delegada do Consello de Comunidades Galegas. Ambos analizaron o traballo conxunto a poñer en marcha nos próximos anos para avanzar na mellora do potencial das institucións galegas do exterior.

Rodríguez Miranda destacou o labor desta entidade que traballa en prol da colectividade galega de residentes na capital arxentina e na promoción da cultura galega entre as e os seus descendentes. A Asociación Benéfica Cultural (ABC) de Corcubión de Bos Aires é unha entidade centenaria que é un referente para a colectividade galega no Río da Prata.

234 lecturas