O secretario xeral da Emigración, Antonio Rodríguez Miranda, destacou no programa Bos días da TVG a  importancia que para a colectividade galega do exterior ten a celebración durante os próximos tres días do XIII Consello de Comunidades Galegas que reunirá en Ourense a 80 representantes de entidades galegas de América, Europa e das comunidades autónomas.

Durante a súa intervención no programa matinal da canle pública galega, destacou os temas que se porán sobre a mesa durante os relatorios de traballo que conforman este Consello e que estarán centrados no futuro da galeguidade, do apoio social, da promoción da cultura e das políticas de aposta polo retorno. Mañá xoves dará comezo o encontro coa celebración da Comisión Delegada do Consello de Comunidades Galegas, que pechará así o seu labor do mandato anterior, dando paso o venres ás xornadas de debate e o sábado a elección das e dos novos membros da Comisión que traballarán durante os próximos tres anos en colaboración coa Xunta de Galicia a prol de tódolos galegos e galegas do exterior.

• Entrevista ao secretario xeral da Emigración no Bos días da TVG | Acceder