O secretario xeral da Emigración, Antonio Rodríguez Miranda, recibiu ao presidente da Sociedade de Socorros Mútuos e Beneficiente Rosalía de Castro de Santos, Casto Vieitez, co obxectivo de analizar a atención socioasistencial que esta entidade ofrece aos galegos residentes nesta cidade do Brasil. Durante a reunión, destacouse o apoio continuo da Xunta de Galicia a esta entidade e o recoñecemento a figura relevante de Casto Vieitez.

A Sociedade de Socorros Mútuos e Beneficiente Rosalía de Castro é unha entidade sen ánimo de lucro que conta con numerosos socios galegos residentes en Santos. Desenvolve unha importante política socioasistencial orientada a mellorar a asistencia social das persoas da terceira idade necesitadas pertencentes á colectividade galega.