A Directora General de Participació Ciutadana da Generalitat Valenciana visitou as novas instalacións do Centro Galego de Castellón
A entidade galega na capital castellonense -fundada no 1936- é membro do Consello de Comunidades Galegas e desenvolve unha intensa actividade social e cultural.
As novas instalacións sociais "O Faiado" (sitas no antigo Cuartel Tetuan XIV) serán inauguradas o próximo verán polo secretario xeral da Emigración.
Co obxectivo de establecer un contacto máis próximo coas diferentes casas rexionais da Comunitat Valenciana, e coñecer de primeira man as actividades que realizan, así como as súas inquedanzas e necesidades, a Directora General de Participació Ciutadana do Goberno Valenciano, María Barrios Hermida, realizou unha visita por distintas entidades rexionais de Castellón.
Durante a realizada o pasado mes de marzo tivo ocasión de comprobar o dinamismo das casas rexionais plasmado na organización de múltiples actividades a través das cales difunden a cultura e tradicións das súas comunidades de orixe. No seu itinerario visitou, en primeiro lugar, o Centro Aragonés, continuando co Centro Cultural Andaluz, o Centro Asturiano e o Centro Galego "O Aturuxo".
Na súa estadía nas novas instalacións do centro Galego "O Faiado", que serán inauguradas o próximo verán polo secretario xeral da Emigración da Xunta de Galicia, Antonio Rodriguez Miranda, a directora xeral asinou no Libro de Honra do centro, e o presidente da entidade, Xosé Filgueira, fíxolle entrega dunha figura de cerámica galega, en agradecemento pola súa visita así como en lembranza das súas raíces galegas.
Novas relacionadas