A delegada da Xunta en Uruguai, Elvira Domínguez, asistiu no Padroado da Cultura Galega de Montevideo á proxección do documental “Castelao, de chumbo a verba”, como homenaxe ao 75º aniversario do pasamento de Alfonso Daniel Rodríguez Castelao. A proxección, que se realizou grazas á colaboración da Xunta e do Padroado, permitiu ao público coñecer máis de preto a vida, obra e legado do guieiro galego, a través deste documental de Miguel López, galardoado co Premio Mestre Mateo e promovido pola Xunta de Galicia para a súa difusión no exterior.

Como colofón á xornada, o Padroado exhibiu dous exemplares históricos de “Sempre en Galicia”, un asinado por Castelao e outro pola súa esposa, Virginia Pereira, gardados na súa biblioteca como testemuñas do compromiso coa memoria e a cultura galega.