A delegada da Xunta no Uruguai, Elvira Domínguez, asistiu esta fin de semana aos acto do 20 aniversario da firma Estrella Galicia neste país americano, que tivo lugar no espazo Kibon. O acto convocou aos distribuidores e importadores esta marca en todos os países americanos e a máis de 300 personalidades da sociedade uruguaia. 

A marca de cervexa galega chegou a este país do Sur do continente americano por primeira vez da man da distribuidora Pontyn, propiedade da familia Rama, emigrantes galegos que posicionaron esta marca como a cervexa de importación de referencia no Uruguai. Elvira Domínguez acompañou neste evento a Ignacio Rivera Quintana, CEO da corporación Hijos de Rivera, Maria Victoria Scola, cónsul general de España, e Jesús Rama, fundador de Pontyn.