A delegada da Xunta no Uruguai, Elvira Domínguez, asistiu ao acto de recoñecemento ao emprendedor do ano neste país organizado en Montevideo por AEGU e que, nesta ocasión, recaeu no empresario, descendente de galegos, Antonio García Rodríguez, propietario da firma  de importación e distribución Sebamar. 

No acto tamén estivo presente a cónsul xeral de España, María Victoria Scola, o presidente da entidade, Estevan Regueira Ares, e as e os expresidentes da Asociación de Empresarios Gallegos del Uruguay. Durante a súa intervención ante as e os presentes, Regueira fixo referencia ao secretario xeral da Emigración, Antonio Rodríguez Miranda recordando que, no último encontro de empresarias e empresarios do exterior en Galicia, referiuse a esta entidade como unha das máis puxantes e mellor organizadas de cantas puxeron en marcha os galegos e galegas en todo o mundo.