O secretario xeral da Emigración, Antonio Rodríguez Miranda, mantivo en São José do Rio Preto un encontro institucional co prefeito do municipio, Fabio Candido, no que se abordaron as posibilidades de reforzar os lazos entre Galicia e a colectividade galega residente nesta cidade brasileña. Durante a xuntanza, Miranda subliñou o papel fundamental que xogan estas relacións locais no exterior para apoiar ás familias galegas, fomentar a colaboración cultural, social e económica con Galicia e promover o retorno.

Estes encontros permiten á Xunta de Galicia acompañar de preto os colectivos galegos, establecer acordos de cooperación e reforzar a estratexia de retorno e de mantemento da galeguidade no exterior.