A delegada da Xunta en Uruguai, Mª Elvira Domínguez, acompaña aos alumnos da Escuela Galicia á exposición de debuxos no Patronato da Cultura Galega, así como a visita ás instalacións deportivas do Centro Gallego de Montevideo.

A colaboración do Patronato da Cultura Galega e da Escuela Galicia de Montevideo brindoulle aos alumnos de quinto e sexto desta escola a posibilidade, a través dos relatos dos integrantes do Obradoiro Contacontos da entidade galega, de coñecer de cerca as costumes de Galicia para máis tarde plasmar nas pinturas os seus sentimentos por esta terra.

Por outra banda todos os alumnos tamén puideron desfrutar dun día de lecer nas instalacións do polideportivo do Centro Gallego de Montevideo en Carrasco acompañados polos seus mestres.

A delegada da Xunta de Galicia destacou a importancia da realización destas actividades que permiten manter vivas as súas raíces, e agradeceu o esforzo realizado polas entidades.