A low cost irlandesa RyanAir puxo á venda unha frecuencia extra semanal entre Santiago de Compostela e Londres Stansted para reforzar a devandita conexión durante o período alto de verán. Concretamente, a citada frecuencia engadirase todos os xoves do próximo mes de agosto como vén sendo habitual xa na citada low cost para atender a demanda xerada durante este mes.

Os Boeing 737-800, con capacidade para 189 pasaxeiros e pasaxeiras, aterrarán en Lavacolla procedentes da capital británica ás 21,25 horas para despegar de novo dende a terminal compostelá rumbo a Londres Stansted ás 21,50 h., aterrando no aeroporto londiniense sobre as 23,00 h., hora local.

Con este incremento de frecuencias, a ruta a Londres verá este verán como dúas grandes low cost europeas, RyanAir e EasyJet, se diputan o mercado xa que hai que recordar que esta última inicia os seus voos directos a Londres Gatwick o 18 de xuño con tres voos semanais. O pulso entre ambas as dúas será notorio dende esa data e espérase unha guerra de prezos que beneficiará principalmente ás e aos consumidores.

Fonte: santiagoaeropuerto.com